التحدي.....

تحـــــدي
ـــــــــــــ

أدري الــقـلب من رفضك : جثث
وأدري الدرب من ركضك : لهث
يا اللي بهدمك .. ننبنـي !
لا تنحنـي ..
ما أنخلق - هالراس - في الاعلى عبث !

" أ "
ــــ

مثل المآذن واقف ..
- لا !
مثل النخل .
- لا !
مثل عاشق مات في النظره الاخيره
- لا
مثل صاروخ أريكي ، والهمزة : ذخيره
- yes

نـــــــــــاي
ــــــــــــــ

لا تصدق ان العازف الساذج
صابته حالة "سلطنه " ..
يا سيدي هذا القصب ، يبكي حنين لموطنه !

الجيــم
ــــــــــ

عظيم .. " الجيم " !
هو الانجاز
والايجاز
والاعجاز .
يكفيه مجد ، إنه بــ " مجـد "
وإنه جمع ما بين " نجـد " .. وبين " الحجاز "
ويكفيه حـزن ..
إنه في وسط هـالــ " سـجـن " !!

مرثيـه
ـــــــــ

يسجنونه
يجلدونه
يقتلونه
......، وبعـدمٌـدّه
يجـون أحفادهـم يرمـون ورده ..
فوق قبره : ويشكرونه !!

نكتـه
ــــــ

في المدينه ..
أجمل نكته سمعها رفاقـي ..
كانـت : " أخلاقـي " !!

ذوق
ــــــ

بس لأنك موطنـي ..
ألملمك ..
من شفايف مطرب تافه
في أغنيه أتفه
وأخلي ذوقي ينحنـي !

تبرير
ــــــ

" الضاد " : ضادي !
لكن أحس
إن لهجتـي : أعذب
................أقرب
لأنها تقدر تمس ..
الناس ببـلادي .

بطاقة هوية
ــــــــــــــــ

عيّت تحبه "خزنه" !
لأن حزنه .. ممتلي أحزان
لأن وزنه : قافيه وأوزان
تاريخ ميلآده : زما ا ا ا ا ا ا ا ا ا ا ا ا ا ا ن
عنوانه : بلا عنوان
هوايته : الرقص بشوارع المدينه
...........و الاغاني الحزينه
...........و الخربشه على الجدران !
أسمه : محمد الرطيان .

قصة حـب
ــــــــــــــ

هذا البحّـار..
نجـا من كل " المحيطات "
وغرق في " دمعـة " بنت .........
............................
.... ، و مــــات !!

شاعـر
ـــــــــ

أنا : دهـشه !
أا في جسـد هـذا الكون : رعـشه
أنا الحـيّ الوحيـد اللي كسـر نعـشه ..
وأطلق صرختين :
................... فراشـه
................... وعصفور ملوّن حزين !
أنا : الملك الوحيد - اللي في لحظة غضب - في أقرب سلة مهملات .. رمى عرشـه !!

أصل
ــــــ

اذا العسل .. يطلع من هذا النحل
واذا الزهر .. ينبت في هذا الوحل !
......
يا خي طز بالتاريخ .. وطز بالأهل !!

أمركــــــــــــــوه !
ـــــــــــــــــــــــــ


كَـوّكـوك ..
و " أمْـرَكـوك " !
وصْنَـعوكلعبـه سخيفـه ...
ولْعبـوك !!
ما تذكّـر غير عمك " ســـام " ..
قلـي بالّله : كيف تنسـى ..
دم أبـوك ، ودم أخــوك ؟!


كوكوك
و"أمركوك"
جحشـنوك
وأركبــوك
عولمـوك
وخوزقوك
شككوك فينا وخلّوا ..
كل أيامك شكوك !
ياخي ما عندك كرامة ؟ يلعن اللــي خلفوك !!!