جيتي .......

جيتي ..


جيتي .. وليت المـــــوت جا قبل تلفين =كانت بقت حلــــــو الصور في عيوني
جيتي .. وجبــــــتي بعد جيتك جرحين =ما تنـــــــــــــدمل يا بنت لو عالجوني
شبغى بعمـــــري دون وصل المحبين =لا قل قدري عنــــــــــدهم وارخصوني
بعت القرايب لا جل عشــق البعيدين =واشوف حظــــــــي خانني واتركوني
يا كم نهيــــــــــــــت القلب مره وثنتين =ما طاعنـــــي فـ الحب واخلف ضنوني
كم ســـــــارت الخطوه خفا بين دربين = تضوي بها الهقـــــــــوه ميادين كوني
عالم مخيــــــــــف اتولعت فيه رجلين =شاعر تحـــــــــدى مسلكه لو نهوني
اسوق خطــــــواتي مع نبض عرقين = دفعاتهــــــــــــم للقلب تفتك ... بلوني
ما اشوف ما اسمع غير نشوة حبيبين = يلفهـــــــــم ثوب الهنا ... واقنعـــــوني
واليوم جيتـــــــــي كني ادري وتدرين = بـ انك ســــــــراب ووهم مهما تكوني
ما عاد لك غيـــــــــر الجفا كان ترضين =ما عاد لك غيــــــــر الرثا مع شجوني
يابنت روحــــــــــي ذاك درب المقفين =عيشي ابهــــــواك وكان ربي بعوني
هذا نصيبـــــــــي منك والعين بالعين =دفعه ردي ولت وانا في ســـــــكوني
ما اعتدت اهين النفس في قول تكفين = ما اقول لو حبك نهــــــــش في متوني
جرحــــــــن نذله قــــــبل يلفي وتلفين = وجرحن نمـــــــــوت بلوعته .. يا جنوني